नाशिक- जिल्ह्यात काल पावसाने जोरदार हजेरी लावली. आठ तास झालेल्या दमदार पावसामुळे धरणांच्या पाणी साठ्यात वाढ झाली आहे. त्यामुळे दुष्काळाने चिंताग्रस्त झालेल्या शेतकऱ्यांना व नागरिकांना या पावसामुळे दिलासा मिळाला आहे.
शहरात झालेल्या पावसाचे दृष्य
जिल्ह्यात काल (रविवार) पावसाने दमदार हजेरी लावली होती. अवघ्या आठ तास बरसलेल्या पावसाने जिल्ह्यातील पाणी संकट काही प्रमाणत कमी केले आहे. काल नाशिक जिल्ह्यात सरासरी ५७० मिलिमीटर पावसाची नोंद झाली आहे. धरणांच्या पाणलोट क्षेत्रात झालेल्या जोरदार पावसामुळे नाशिक शहराला पाणी पुरवठा करणाऱ्या गंगापूर धरणात १५ टक्के तर दारणा धरणात १७ टक्के इतका पाणी साठा वाढला आहे.