Trimbakeshwar Temple In Nashik १२ ज्योतिर्लिंगांपैकी एक नाशिकचे त्र्यंबकेश्वर मंदिर; सलग 39 तास राहणार खुले

आज महाशिवरात्री निमित्ताने आद्य ज्योतिर्लिंग त्र्यंबकेश्वर मंदिर तब्बल 39 तास खुले राहणार आहे. मात्र, गर्भगृहात प्रवेश करुन दर्शन बंद राहणार आहे.एवढेच नव्हे तर या वर्षी (दि. 28 फेब्रुवारी ते 2 मार्च)पर्यंत विविध सांस्कृतिक धार्मिक कार्यक्रमाचे आयोजन करण्यात आले आहे. सर्वत्र ब्रेक द चेन असल्यामुळे कोरोनाचे नियम पाळून या कार्क्रमात भाविकांना भाग घेता येणार आहे.

नाशिक -महाशिवरात्री निमित्ताने आद्य ज्योतिर्लिंग त्र्यंबकेश्वर मंदिर तब्बल 39 तास खुले राहणार आहे. मात्र, गर्भगृहात प्रवेश करुन दर्शन बंद राहणार आहे.एवढेच नव्हे तर या वर्षी (दि. 28 फेब्रुवारी ते 2 मार्च)पर्यंत विविध सांस्कृतिक धार्मिक कार्यक्रमाचे आयोजन करण्यात आले आहे. सर्वत्र ब्रेक द चेन असल्यामुळे कोरोनाचे नियम पाळून या कार्क्रमात भाविकांना भाग घेता येणार आहे. यावेळी मंदिरावर आकर्षक विद्यूत रोषणाई करण्यात आली आहे.

पालखी सोहळा

महाशिवरात्री रोजी दुपारी 3 वाजता भगवान त्र्यंबक राजाची पालखी मंदिरातून निघून पारंपारिक मार्गाने तीर्थराज कुशावर्तावर षोडशोपचार पूजा करुन सायंकाळी 5 वाजेपर्यंत पालखी पुन्हा देवस्थान मध्ये येणार आहे. तसेच, त्र्यंबकेश्वर देवस्थान ट्रस्ट तर्फे (दि. 1 मार्च)रोजी परंपरेनुसार श्रीत्र्यंबकेश्वर ज्योतिर्लिंगावर लघुरुद्र अभिषेक करण्यात येणार आहे. तर रात्री 11 वाजता भगवान त्र्यंबक राजाची पालखी फक्त मंदिर प्रांगणात मिरवण्यात येईल. तसेच, दिवसभरात मंदिरात आरती, महापूजा, अभिषेक सारखे धार्मिक कार्यक्रम पारपडणार आहे.

सांस्कृतिक कार्यक्रम

महाशिवरात्री निमित्त श्रीत्र्यंबकेश्वर देवस्थान ट्रस्ट तर्फे तीन दिवसांकरिता सांस्कृतिक कार्यक्रमाचे आयोजन करण्यात आले आहे. यात कथ्थक नृत्याचा कार्यक्रम, कीर्तन, संगीत मैफिल, शास्त्रीय गायनाचा कार्यक्रम सारखे संस्कृती कार्यक्रम होणार आहे.

त्र्यंबकेश्वर चे महात्म्य

नाशिक शहरा पासून 35 किलोमीटर अंतरावर बारा ज्योतिर्लिंग पैकी एक त्र्यंबकेश्वर महादेवाचे प्राचीन मंदिर आहे. हे ज्योतिर्लिंग गोदावरी नदीजवळ महाराष्ट्रातील नाशिकमध्ये आहे. या ज्योतिर्लिंगाचे वैशिष्ट्य म्हणजे शिवलिंगास ब्रम्हा, विष्णू, महेश ह्या तिघांच्या प्रतिमा आहेत. मंदिराचे बांधकाम (1755 ते 1786)साली नानासाहेब पेशवे यांनी केल्याचा उल्लेख आढळतो. या ज्योतिर्लिंगाजवळ ब्रम्हगिरी नावाचा पर्वत असून या पर्वतावरूनच गोदावरी नदीचा उगम झाला आहे. तर भगवान शिवाचे त्र्यंबकेश्वर महादेव हे मंदिर ही आहे. दर बारा वर्षाने नाशिक सोबत त्र्यंबकेश्वरमध्ये सिंहस्थ कुंभमेळा भरतो.

नारायण नागबली सारखा धार्मिक विधी देखील ह्याच ठिकाणी होतो

हिंदू धर्मातील वैष्णवांमध्ये दिगंबर अनी, निर्वाणी अनी आणि निर्मोही अनी असे तीन आखाडे सर्वोच्च स्थानी आहेत. याच तीन आखाड्यांच्या नेतृत्वाखाली दर बारा वर्षांनी सिंहस्थ कुंभमेळा भरतो. शैवांचे आखाडेही त्र्यंबकेश्वरात जमतात.येथे निवृत्तिनाथ महाराज समाधी मंदिर देखील आल्याने त्र्यंबकेश्वर ला विशेष महत्व असून वर्षभर देशाच्या कानाकोपऱ्यात रथ भाविक येत असतात. तसेच, नारायण नागबली सारखा धार्मिक विधी देखील ह्याच ठिकाणी केला तर तो विधी सार्थ होतो अशी मान्यता आहे.

हेही वाचा -Shiv Temple In Verul : देशातील सर्वात मोठे शिवमंदिर वेरूळमध्ये; महाशिवरात्रीला भक्तांसाठी होणार खुले