मनमाडमध्ये दोन दिवसांत चोरीच्या पाच घटना

मनमाड शहरात मागील दोन दिवसांत चोरीच्या पाच घटना घडल्या आहेत. यामुळे शहरांतील नागरिकांमध्ये भीतीचे वातावरण पसरले आहे.

मनमाड (नाशिक) - मनमाड शहरात चोरीचे सत्र सुरूच असून मागील दोन दिवसांत चोरीच्या पाच घटना घटल्या आहेत. यात लाखो रुपयांचा मुद्देमाल चोरीला गेला आहे.

मनमाड-मालेगाव मार्गावरील किराणा मालाचे गोडाऊन फोडून त्यातून तेलाचे डबे-पाकिटे, साखरेची पोती, साबणाचे बॉक्स, सौंदर्यप्रसाधन वस्तू यांसह गोडाऊनमधील सीसीटीव्ही कॅमेरे व रेकॉर्डरही चोरट्यांनी चोरून नेले. याप्रकरणी पोलिसांत गुन्हा दाखल झाला आहे. चोरीच्या वाढत्या घटनांमुळे शहरात भीतीचे वातावरण पसरले आहे.

हेही वाचा -इंग्लडहून नाशिकला आलेला तरुण कोरोना पॉझिटिव्ह, रुग्णालयात दाखल

हेही वाचा -गाड्यांचा ताफा थांबवून छगन भुजबळांनी सोडवली वाहतूक कोंडी