नाशिक - मुंबई येथील लिलावती रुग्णालयात कोरोना रुग्णावर पहिली प्लाझ्मा थेरपी करण्यात आली आहे. त्यात डाॅक्टरांना यश आले असल्याची माहिती राज्याचे आरोग्यमंत्री राजेश टोपे यांनी दिली. नाशिकमधील जिल्हाधिकारी कार्यालयात कोरोना उपाययोजना संदर्भात बैठक पार पडली. त्यांतर ते माध्यमांशी बोलत होते.
मुंबईतील पहिली प्लाझ्मा थेरपी यशस्वी
हेही वाचा-दिल्लीतील भाजीमार्केटमधील ११ व्यापाऱ्यांना कोरोनाची लागण
यावेळी बोलताना राजेश टोप म्हणाले, की लिलावती रुग्णालयात एका कोरोना रुग्णावर प्लाझ्मा थेरपी करण्यात आली असून ती यशस्वी झाली आहे. या पहिल्या यशस्वी प्लाझ्मा थेरपीनंतर आता नायर रुग्णालयात दुसरी थेरपी केली जाणार आहे. मात्र, ही थेरपी करताना योग्य मार्गदर्शक सूचनांचे तंतोतंत पालन करणे गरजेचे आहे. असे पालण केल्यास पुण्यातही असा प्रयोग शक्य असल्याचे ते म्हणाले.