नाशिक -जिल्ह्यात कोरोनाच्या पार्श्वभूमीवर दिवाळीत कंटेन्मेंट झोन, शांतता क्षेत्र आणि सार्वजनिक ठिकाणी फटाके वाजवण्यावर बंदी घालण्यात आली आहे. तसा आदेश जिल्हाधिकारी सूरज मांढरे यांनी काढला आहे. १० नोव्हेंबरला मध्यरात्री १२ पासून ते पुढील आदेशापर्यंत ही बंदी कायम राहणार आहे.
माहिती देताना जिल्हाधिकारी सूरज मांढरे
गेल्या काही दिवसांपासून जिल्ह्यात कोरोनाच्या रुग्णसंख्येत घट होताना दिसून येत आहे. मात्र, वायू प्रदूषणामुळे जिल्ह्यात नियंत्रित होत असलेल्या कोरोनाच्या संसर्गात वाढ होऊ नये यासाठी प्रशासनाकडून हा निर्णय घेण्यात आला असल्याचे जिल्हाधिकारी सूरज मांढरे यानी सागितले.