नाशिक - इस्लाम धर्माचे संस्थापक मोहम्मद पैगंबर यांच्या जयंतीनिमित्त करण्यात येणारा ईद-ए-मिलादुन्नबी हा सण मनमाड शहरात मोठ्या उत्साहात साजरा करण्यात आला. यानिमित्त भव्य मिरवणूक काढण्यात आली होती. शहरातील जामा मस्जिदजवळून या मिरवणुकीस सुरुवात करण्यात आली. शहरातील सर्व मशिदीचे प्रमुख मौलानांच्या नेतृत्वाखाली ही मिरवणूक शांततेत पार पडली.
मनमाडला ईद-ए-मिलादुन्नबी उत्साहात साजरी
हजरत पैगंम्बर मोहम्मद यांनी जगाला शांती, बंधुभाव व समानतेची शिकवण दिली होती. त्यांच्या जयंतीनिमित्त आज मनमाडमध्ये भव्य जुलूस काढण्यात आले होते. त्यात हजारो मुस्लिम बांधवांसोबत इतर धर्मीय नागरिक सहभागी झाले होते. एकात्मता चौकात पोलीस निरीक्षक राजेंद्र कुटे, माजी आमदार जगन्नाथ धात्रक यांनी शहरातील नागरिकांच्या वतीने जुलूसचे स्वागत केले व प्रमुख मौलानांचे सत्कार केले.