नाशिक - नांदगांव तालुक्यातील अनेक भागात शनिवारी झालेल्या अवकाळी पाऊस आणि गारपिटीमुळे पिकांचे मोठे नुकसान झाले. नुकसानाची कृषी अधिकाऱ्यांनी पाहणी करून त्याबाबतचा अहवाल सरकारला पाठवला आहे. या नुकसानीचे पंचनामे देखील करण्यात येणार आहे.
हातातोंडाशी आलेला घास निसर्गाने हिरावला, बळीराजा हवालदील
या पावसाचा फटका गहू, हरभरा आणि कांद्याला बसला. अनेक ठिकाणी काढणीला आलेला गहू भुईसपाट झाला, तर कांदे भिजून खराब झाले. जळगाव बुद्रुक, जळगाव खुर्द, पिंपरखेड, परधाडी, डॉक्टरवाडी, बाभूळवाडी या भागात पिकांचे सर्वाधिक नुकसान झाले. या नुकसानीचे त्वरीत पंचनामे करून शासनाने न्याय द्यावा, अशी मागणी आता शेतकरी करीत आहे.