मालेगाव (नाशिक) - येथील एका कोविडसेंटरमध्ये कोरोनाची भीती दूर करण्यासाठी कोरोनाबाधितांनी चक्क 'डान्स' केल्याचा प्रकार समोर आला आहे. मसगा कॉलेजमधील क्वारंटाईन सेंटरमध्ये हा प्रकार घडला.
राज्यात दिवसेंदिवस कोरोनाच्या रुग्णसंख्येत मोठ्या प्रमाणात वाढ होत आहे. राज्यातील एकूण बाधितांची संख्या 3 लाखांच्यावर गेली आहे. यातच अनेक जण कोरोनाची भीती दूर व्हावी म्हणून अनेक संकल्पना राबवताना दिसून येत आहेत. यात विलगिकरण कक्षात दाखल झालेल्या संशयितांनी कुठे भिंती रंगवण्याचे काम केले तर कुठे विरंगुळा करण्यासाठी कोरोना संशयितांनी खेळ खेळले.