नाशिक- ढेकू बुद्रुक (ता. नांदगाव) येथे एका बांधकाम ठेकेदाराने गळफास घेऊन आत्महत्या केल्याची घटना घडली आहे. गोविंद श्रावण सुर्यवंशी ( वय 47 वर्षे, रा. राम मंदिर गल्ली, सोयगाव, ता.मालेगाव), असे आत्महत्या केलेल्या ठेकेदाराचे नाव असून आत्यहत्येचे कारण अद्याप स्पष्ट झाले नाही.
याबाबत सविस्तर माहिती अशी की, ढेकू बुद्रुक येथील राहुल धाटबळे यांच्या शेतात घराचे बांधकाम करण्यासाठी गोविंद श्रावण सुर्यवंशी हे मालेगावहून आले होते. मागील 3 महिन्यांपासून या घराचे बांधकाम सुरू होते. सोमवार (दि. 16 डिसें) सकाळी ६ वाजता प्रातविधीला गेल्यानंतर ते उशिरापर्यंत परत आले नाही. त्यामुळे कामावरील इतर मजुरांनी त्यांचा शोध घेण्यास सुरुवात केली. शोध घेतल्यानंतर जनावरांच्या गोठ्यात त्यांनी गळफास घेऊन आत्महत्या केल्याचे मजुरांना दिसून आले.