नाशिक-मुंबई महामार्गावर भीषण अपघात सीसीटीव्ही कैद, अपघातात एकाचा मृत्यू तर एक जण गंभीर जखमी

नाशिक- मुंबई महामार्गावर भीषण अपघात झाला. या अपघाता एकाचा मृत्यू झाला असून एक जण गंभीर जखमी झाला आहे.

नाशिक -नासिकच्या गोंदे परिसरात पिकअॅपने धडके दिल्याने झालेल्या भीषण अपघाता झाला. या अपघातात 22 वर्षीय युवका मृत्यू झाला. हा संपूर्ण अपघात पेट्रोल पंपाच्या आवारात असलेल्या सीसीटीव्ही कॅमेऱ्यात कैद झाला आहे. अपघात झालेल्या दोघा जणांना क्रेनच्या साहाय्याने बाहेर काढण्यात आले.

नाशिक मुंबई महामार्गावर रविवारी मध्यरात्रीच्या सुमारास भीषण अपघात झाला. रात्री 2.30 च्या सुमारास महामार्गालगत असलेल्या गोंदे येथील महाले पेट्रोल पंपाजवळ काही कंटेनर उभे होते. यात एका उभ्या असलेल्या कंटेनरला पाठीमागून भरधाव वेगात आलेल्या पीकअप वाहनाने जोरदार धडक दिली. ही धडक इतकी भयानक होती की यात पिकअपचा चक्काचूर झाला. पीकअपमध्ये फसलेल्या दोघा जणांना क्रेनच्या साहाय्याने काढण्यास एक तासाचा अवधी लागला. अपघाताचा हा संपूर्ण थरार पेट्रोल पंपच्या आवारात असलेल्या सीसीटीव्ही कॅमेऱ्यात कैद झाला आहे.

गंभीर दुखापत झाल्याने पिकअप चालकाचा उपचारा दरम्यान मृत्यू -

अपघाताची माहिती मिळताच जगतगुरु नरेंद्राचार्य महाराज संस्थानाच्या रुग्णवाहिकेतून जखमींना पुढील उपचारासाठी नाशिकच्या जिल्हा रुग्णालयात हलविण्यात आले. मात्र, यात गंभीर दुखापत झाल्याने पिकअप चालकाचा उपचारा दरम्यान मृत्यू झाला आहे. दुसऱ्या नागरिकावर सध्या उपचार सुरू आहेत. दरम्यान हे दोन्ही जण जळगाव जिल्ह्यातील उमाडा येथील येथील रहिवासी असून याप्रकरणी स्थानिक पोलिसात अपघाताची नोंद करण्यात आली असून पुढील तपास सुरू आहे.