नाशिक- लॉकडाऊनदरम्यान शहरात गुन्हेगारीने डोके वर काढल्याचे दिसून येत आहे. शहरात सलग २ दिवस गंभीर स्वरुपाच्या घटना घडल्या आहेत. शनिवारी नाशिक रोड येथील युवक बिट्टू पवार याच्यावर गोळीबार झाला, तर रविवारी सायंकाळच्या सुमारास जुन्या नाशिक या भागात दोन गटात हाणामारीची घटना घडली.
हाणामारीच्या घटनेत काही तरुणांनी गाड्यांवर दगडफेक करून दहशत माजविण्याच्या प्रयत्न केला आहे. यात काही दुचाकी वाहनांचे मोठे नुकसान झाले असून पोलिसांनी ३ आरोपींना अटक केली आहे. पोलिसांनी आरोपींकडून गावठी कट्टा, चॉपर, कोयते हे शास्त्र जप्त केले आहे. याप्रकरणातील ९ आरोपी अद्याप फरार आहे. मात्र, लॉकडाऊनमध्ये अशी घटना घडून आल्याने शहरात खळबळ उडाली आहे.
हेही वाचा-मुंबईत पोलीस उपनिरीक्षकाची कोरोनावर मात, लवकरच लोकांच्या सेवेत होणार दाखल
