नाशिक - मी प्रसिद्धीसाठी हा आरोप करत नसून, खरेच मला पैशांची ऑफर देण्यात आली होती. असा खुलासा काँग्रेसचे इगतपुरीचे आमदार हिरामण खोसकर यांनी केला आहे. पक्षातून फुटून निघण्यासाठी भाजपमधील एका कार्यकर्त्याने ही ऑफर केल्याचे खोसकर म्हणाले.
२५ कोटींच्या ऑफरविषयी खोसकरांनी खुलासा केला
निकालानंतर मला २५ कोटींची ऑफर करण्यात आली होती. ही ऑफर करणारा माझाच जवळचा मित्र होता, असे खोसकर यांनी सांगितले. मागासवर्गीय समाजातील आमदार फुटतील असा प्रतिपक्षाच्या 'वरच्या' लोकांचा अंदाज असल्याचे खोसकर म्हणाले. त्यामुळे माझ्यासहीत देवळालीच्या आमदारालाही संपर्क केला होता. माझ्या घरी ऑफर घेऊन तिनदा लोक येऊन गेले, असे खोसकरांनी सांगितले. पण, हे लोक कोण होते हे सांगण्यास त्यांनी नकार दिला.