दिंडोरी ( नाशिक ) : दिंडोरी तालुक्यातील आदर्श संसद ग्राम योजनेत देशातील दहा ग्रामपंचायतीत समाविष्ट असलेल्या अवनखेड ग्रामपंचायतीची निवडणूक बिनविरोध झाली असून सदर ग्रामपंचायतीस राज्य विभाग जिल्हा व तालुकास्तरावर पुरस्कार मिळाले आहेत. लोकमत राज्यस्तरीय सरपंच अवॉर्डने सन्मानित व गेली पंधरा वर्ष सरपंच असलेल्या भाजप तालुकाध्यक्ष नरेंद्र जाधव यांच्या नेतृत्वाखाली सदर निवडणूक बिनविरोध झाली आहे .
ग्रामपंचायत निवडणूकीच्या नामनिर्देशन भरण्याच्या शेवटच्या दिवशी अवनखेड गावाने संमती दिलेल्या उमेदवारांनी नऊ जागांसाठी नऊ अर्ज दाखल केले. त्यामुळे बिनविरोध निवड निश्चित झाली आहे. बिनविरोध निवडीमध्ये सरपंच नरेंद्र कोंडाजीराव जाधव, मंगेश विष्णू जाधव, रघुनाथ रुंजा गांगुर्डे, विनायक काशिनाथ निकम, कल्पना रमेश जाधव, मंदाबाई काळू लांडे, अलका साहेबराव बोरस्ते, अर्चना पोपट पिंगळ, भारती किरण पवार यांचा समावेश आहे.
निवडीचे सर्वत्र अभिनंदन