Adulterated Paneer Seized : भेसळयुक्त पनीर साठा जप्त, दिवाळीच्या तोंडावर प्रशासनाची कारवाई

Adulterated Paneer Seized : दिवाळीच्या पार्श्वभूमीवर नाशिक शहरात 397 किलो भेसळयुक्त पनीरचा साठा जप्त करण्यात आला आहे. यामुळं नाशिकसह जिल्ह्यात खळबळ उडाली आहे.

नाशिक Adulterated Paneer Seized :शहरात अन्न-औषध प्रशासनानं दिवाळीच्या तोंडवार मोठी कारवाई केला आहे. यावेळी अन्न-औषध प्रशासनानं सुमारे 397 किलो भेसळयुक्त पनीर जप्त केलं आहे. या घटनेनं शहरात खळबळ उडाली आहे. दिवाळीत मोठ्या प्रमाणावर नफा मिळवण्यासाठी काही जण भेसळ करत असल्याचं दिसून येत आहे. अशा भेसळयुक्त पदार्थामुळं नागरिकांचं आरोग्य धोक्यात आलं आहे. भेसळयुक्त पदार्थ विक्रेत्यावर कडक कारवाई करावी, अशी मागणी नागरिकांनी केलीय.

पनीर मिठाईत भेसळ :दिवाळीत दूध, पनीर मिठाईत भेसळ होत आहे. नाशिकमध्ये 397 किलो भेसळयुक्त पनीर जप्त करण्यात आल्यानं खळबळ उडाली आहे. शहरातील दुर्गा मंदिर दुकानामागील विराज एंटरप्रायझेस, त्रिमूर्ती चौक येथील विराज एंटरप्रायझेसमध्ये भेसळ होत असल्याच्या संशयावरून 74 किलोचा साठा जप्त करण्यात आला. सुमारे 16 हजार रुपयांचा माल यावेळी नष्ट करण्यात आला. दरम्यान, अंबड परिसरात साई एंटरप्रायझेसचं 67 हजार रुपये किमतीचं 323 किलो पनीर नष्ट करण्यात आलं. या पनीरचे नमुने विश्लेषणासाठी पाठवण्यात आले आहेत. विश्लेषण अहवाल प्राप्त होताच अन्न सुरक्षा कायद्यांतर्गत पुढील आवश्यक कारवाई केली जाईल, असं एका अधिकाऱ्यांनं सांगितलं.

एक कोटींचं भेसळयुक्त तेल जप्त : 6 नोव्हेंबर रोजी नाशिक जिल्ह्यातील सिन्नर तालुक्यातील माळेगाव येथील मे. इगल कॉर्पोरेशनमध्ये मोठी करवाई करण्यात आली होती. तपासणीत भेसळयुक्त खाद्यतेल आढळ्यानं अधिकाऱ्यांनी सर्व माल जप्त केला होता. सोयाबीन तेलाचे 41 डबे (एकूण 613 किलो), पामोलिन तेलाचे 28 डबे (418 किलो) असा एक कोटी 93 लाख रुपयांचा मुद्देमाल जप्त करण्यात आला आहे.

बनावट मावा जप्त :गणेशोत्सव काळात नाशिकच्या अन्न-औषध प्रशासनाला मिळालेल्या गुप्त माहितीच्या आधारे द्वारका येथील एका खाजगी ट्रॅव्हल्स कंपनीच्या कार्यालयात छापा टाकण्यात आला होता. या छाप्यात गुजरात राज्यातून आलेला 1200 किलो भेसळयुक्त मावा जप्त करण्यात आला होता. या आधी देखील याच भागात अन्न-औषध प्रशासनानं कारवाई करत हजारो किलो मावा जप्त केला होता.

हेही वाचा -