नाशिक- लासलगाव येथील कोरोनाबाधित रुग्णाला आज उपचारानंतर सुट्टी देण्यात आली. या प्रसंगी जिल्हाधिकारी सूरज मांढरे यांनी जिल्हा रुग्णालयाच्या कर्मचाऱ्यांचे अभिनंदन केले आहे. नाशिककरांसाठी ही दिलासा देणारी बातमी असली तरी पुढील काळात अधिक सतर्क राहणे देखील तितकच गरजेचे असल्याचे जिल्हाधिकारी मांढरे यांनी सांगितले.
रुग्णालय परिसरातील दृश्य
जिल्ह्यात कोरोनाचे संक्रमण वाढू नये यासाठी आटोकाट प्रयत्न सुरू आहेत. असे असताना जिल्ह्यातील लासलगाव तालुक्यात कोरोणाचा रुग्ण आढळून आला. हा रुग्ण जिल्ह्यातील पहिला कोरोनाबाधित रुग्ण होता. या रुग्णावर उपचार सुरू असताना त्याचे सर्व कोरोना चाचणी अहवाल निगेटिव्ह आले आहेत. त्यामुळे, या रुग्णाला सुट्टी देण्यात आली आहे.