येवला (नाशिक)- जालन्यातील शिराढोन (ता.अंबड) येथून आपल्या उंटगाड्यासह आलेल्या येवला तालुक्यातील चिचोंडी येथील बहुरूपी समाजाच्या पाच कुटुंबांना वैद्यकीय तपासणीनंतर गावाबाहेर विलगीकरण करण्यात आले. हे सर्व 28 जण असून त्यांना गावाबाहेर राहण्यासाठी जागा उपलब्ध करून देण्यात आली आहे.
गावातील दृश्य
चिचोंडी येथील असलेले बहुरूपी समाजातील हे कुटुंब पोटापाण्याच्या निमित्ताने भटकंती करत असतात. ते शक्रवार (दि. 5 जून) रोजी आपल्या कुटुंबकबिल्यासह गावात आले. येथील सरपंच, पोलीस पाटील, वैद्यकीय कर्मचारी यांनी त्यांची वैद्यकीय तपासणी झालेली आहे की नाही, याची खात्री करून घेतली. ते ज्या भागातून आले तो भाग रेड झोनमध्ये येत असल्याने त्यांना गावात प्रवेश न देता गावाबाहेर विलगीकरण होण्याचा सल्ला दिला.