नाशिक - दहावीचे निकाल आज जाहीर झाले आहेत. यामध्ये नाशिक विभागाचा यंदाचा निकाल ७७.५८ टक्के इतका लागला असून, गेल्यावर्षी या निकालाची टक्केवारी ८७.४२ टक्के इतकी लागली होती. यंदा मात्र ती १० टक्क्यांनी निकाल खाली घरसला आहे. मात्र मुलींनी बाजी मारत त्यांच्या उत्तीर्णतेची टक्केवारी ८२.८२ इतकी राहिली.
नाशिक विभागात दहावीचा निकाल
यंदाच्या वर्षी निकाल कमी लागल्याची अनेक कारणे सांगता येतील, यात १० वीच्या विद्यार्थ्यांपर्यँत अनेक शाळांकडून विषय कृतीपत्रिकेची माहिती पोहोचली नाही. चार जिल्हात २५ भरारी पथक तसेच प्रत्येक केंद्रावर बैठे पथक नेमण्यात आले होते. तरीही विभागात २३६ कॉपी प्रकरणी विद्यार्थ्यांवर कारवाई करण्यात आली. यासोबत यंदाच्या वर्षी ४ विषयांना देण्यात येणारे अंतर्गत गुण (इंटर्नल मार्क) कमी केल्याने याचा परिणाम यंदाच्या वर्षी टक्केवारी झाल्याचे दिसते.