नंदुरबार - कोरोना विषाणूची दहशत नंदुरबार जिल्ह्यातील ग्रामीण भागात दिसण्यास सुरुवात झाली आहे. नंदुरबार रेल्वे जंक्शन असून याठिकाणी गुजरात आणि महाराष्ट्रातून येणाऱ्या रेल्वे गाड्या आणि प्रवासी मोठ्या प्रमाणात येत असतात. मात्र, मागील दोन ते तीन दिवसांपासून रेल्वेने येणाऱ्या-जाणाऱ्या प्रवाशांच्या संख्येत मोठ्या प्रमाणात घट झाली आहे.
कोरोनाच्या दहशतीत रेल्वे गाड्या रिकाम्या
बसस्थानकावरही असेच चित्र असून लांब पल्ल्याच्या बस गाड्या रिकाम्या असल्याचे चित्र आहे. जिल्हा प्रशासनाच्यावतीने योग्य ती खबरदारी घेण्यात आली आहे. जिल्ह्यातील नगरपालिका आणि ग्रामीण भागात येणाऱ्या शाळा- महाविद्यालयांना सुट्टी देण्यात आली आहे. शहरातील सिनेमागृहेही बंद ठेवण्यात आली आहेत.