नंदुरबार -आदिवासी विकास विभागाचे नाशिक विभागीय अप्पर आयुक्त गिरीश सरोदे यांनी नंदुरबार येथे सेंट्रल किचनला भेट देऊन त्याची तपासणी केली आहे. गेली काही दिवस नंदुरबारमधील सेंट्रल किचन हे टीकेचे लक्ष ठरत होते, या पार्श्वभूमीवर सरोदे यांनी येथे भेट देऊन तपासणी केली.
आदिवासी विकास विभागाचे अप्पर आयुक्त गिरीश सरोदे यांची नंदुरबार येथील सेंट्रल किचनला भेट
अप्पर आयुक्त गिरीश सरोदे यांनी सेंट्रल किचनची तपासणी केल्यानंतर इथल्या अन्न-पदार्थांबाबत समाधान व्यक्त केले आहे. जुनपासुनच सुरू झालेल्या सेंट्रल किचनमध्ये काही काळ थोडी अनियमितता झाली होती. मात्र, आता सुधारणा झाली असुन आदिवासी विकास विभागाच्या ३२ आश्रमशाळेतील १० हजार विद्यार्थ्यांना जेवण पुरवले जात आहे. विद्यार्थ्यांना दर्जात्मक जेवण नाश्ता मिळत असल्याने इतर प्रकल्पातही सेंट्रल किचन पद्धत राबविण्याचा विचार असल्याचे आयुक्त गिरीश सरोदे यांनी सांगीतले.