नंदुरबार -राज्यातून अवैध मद्यसाठ्याची वाहतूक करणाऱ्या कंटेनरसह 13 लाख 75 हजारांचा मुद्देमाल जप्त करण्यात आला. नंदुरबार-नवापूर रस्त्यावरील खामगाव शिवारात राज्य उत्पादन शुल्क विभागाच्या पथकाने ही कारवाई केली. हा मद्यसाठा दमण येथे नेला जात होता. जप्त केलेल्या मद्याची किंमत 3 लाख 75 हजार रुपये आहे.
नंदुरबारमध्ये अवैध मद्यसाठा जप्त
राज्यात बंदी असलेला मद्यसाठा नंदुरबारमार्गे दमन येथे नेला जात असल्याची माहिती नंदुरबार राज्य उत्पादन शुल्क विभागाला मिळाली. माहितीच्या आधारे पथकाने रात्रीच्या वेळी नंदुरबार-नवापूर रस्त्यावरील खामगाव शिवारात सापळा रचला. यावेळी पॅकबंद कंटेनरची तपासणी केली असता, त्यात मोठ्या प्रमाणात विदेशी मद्यसाठा आढळून आला.