नंदुरबारमध्ये मृत अवस्थेत आढळला बिबट्या

नंदुरबार : शहादा तालुक्यातील प्रकाशा येथे बिबट्याचा मृतदेह आढळला आहे. परिसरात काही दिवसांपासून बिबट्याचा वावर होता.

नंदुरबार - शहादा तालुक्यातील प्रकाशा येथे बिबट्याचा मृतदेह आढळला आहे. परिसरात काही दिवसांपासून बिबट्याचा वावर होता. मात्र आज सकाळी प्रकाशा शिवारातील भरत दशरथ पाटील यांच्या शेतात बिबट्या मृत अवस्थेत आढळून आला. मृत बिबट्याला पाहण्यासाठी यावेळी परिसरातील शेतकऱ्यांनी गर्दी केली होती.

शेतकऱ्यांनी सकाळीच वनविभागाला या संदर्भात माहिती दिली मात्र, दुपार पर्यंत वनविभागाचे अधिकारी घटनास्थळी पोहोचले नसल्याचा आरोप ग्रामस्थांनी केला आहे. बिबट्याचा मृत्यू कशामुळे झाला हे कळू शकले नाही. वनविभाग या मृत बिबट्याला ताब्यात घेऊन त्याचे शवविच्छेदन करणार आहेत. त्यानंतर बिबट्याच्या मृत्यूचे कारण समजेल अशी माहिती वनविभागाने दिली आहे.