नंदुरबार - नागपूर-धुळे-सुरत राष्ट्रीय महामार्ग क्रमांक सहा बंद झाला आहे. नवापूर तालुक्यातील रायंगण गावाजवळील पूल शुक्रवारी चार वाजता पावसामुळे तुटल्याने दोन्ही बाजूची वाहतूक पूर्णपणे ठप्प झाली आहे.
एक अवजड ट्रक पुलावरून जाताना येथे अडकला आहे. सुदैवाने या घटनेत ट्रकचालक बचावला. ट्रकच्या मागून येणारे रायंगण गावातील दोन मोटरसायकलस्वारही तुटलेल्या पुलावर पडून गंभीर जखमी झाले आहेत. त्यांना उपजिल्हा ग्रामीण रुग्णालय नवापूर येथे उपचारासाठी दाखल करण्यात आले आहे. पुलावर अडकून असलेल्या ट्रकला बाहेर काढण्यासाठी प्रशासनाकडून अद्याप कुठलीही कार्यवाही करण्यात आलेली नाही.
नंदुरबार-धुळे-सुरत राष्ट्रीय महामार्ग क्रमांक सहा बंद, नवापूर तालुक्यात रायंगन गावाजवळचा पूल खचला