नंदुरबार -महाराष्ट्र-गुजरात सीमेवर झालेल्या तिहेरी अपघातात नऊ व्यक्तींचा मृत्यू झाल्याची शक्यता वर्तवण्यात येत आहे, तर २४हून अधिक लोक जखमी झाल्याचे सांगण्यात येत आहे. गुजरातच्या तापी जिल्ह्यातील पोखरण गावाजवळ एस.टी. बस, टँकर आणि जीपमध्ये हा भीषण अपघात झाला आहे. या अपघाताची भीषणता एवढी होती, की जीपचा पूर्णपणे चक्काचूर झाला आहे.
याबाबत मिळालेल्या माहितीनुसार, सोनगढ डेपोची एसटी बस (क्र. जीजे १८ झेड ६४६८) ही कुशलगढहून उकाई गावाकडे जात होती. यावेळी पोखरण गावाजवळ, अचानक तिने समोरून येणाऱ्या टँकरला (क्र. जीजे ०२ एक्सएक्स ६५८८) धडक दिली. यादरम्यान, दुसरी एक जीप (क्र. एमएच ४१ एएच ५३०९) या दोन्ही वाहनांना येऊन धडकली. यामुळे परिसरात एकच गोंधळ उडाला.