नांदेड- पोलिसांशी वाद घातल्याप्रकरणी बुलडाण्यात एका तरुणाविरुध्द गुन्हा दाखल करण्यात आला आहे. दरम्यान, तरूणाला अटक करुन कोर्टात हजर केले असता २५ मे पर्यंत त्याची तुरुंगात रवानगी करण्यात आली आहे.
शहरातील शिवाजीनगर स्टेट बँकेच्या शाखेसमोर जिल्हा पोलीस दलाचे दंगा नियंत्रण पथक सुरक्षेसाठी तैनात आहे. हे पथक ११ मे रोजी सायंकाळी ४ वाजता आपले कर्तव्य बजावत होते. तेव्हा जानापुरी येथील गंगाधर कदम याने पथकातील पोलीस काशीनाथ विश्वनाथ कारखेडे यांच्यासोबत वाद घालून सरकारी कामात अडथळा निर्माण केला. तसेच दहशत निर्माण करुन अश्लील शिविगाळ करत मारहाणही केली.
याबाबत कारखेडे यांनी दिलेल्या फिर्यादीवरुन शिवाजीनगर पोलिसांनी कलम ३५३, ३३२, २९४, ३२३, १८६, ५०४, कलम -७ क्रिमीनल लॉ अमेंडमेंट अॅक्टप्रमाणे गुन्हा दाखल केला आहे. पुढील तपास उपनिरीक्षक श्रीदेवी पाटील करीत आहेत. या प्रकरणी गंगाधर कदमला अटक करण्यात आली. दरम्यान, त्याला कोर्टात हजर केले असता २५ मे पर्यंत त्याची न्यायालयीन कोठडीची शिक्षा सुनावल्याची माहिती उपनिरीक्षक पाटील यांनी दिली आहे.
