प्रियकराच्या मदतीने पत्नीने केली पतीची हत्या

बिलोली तालुक्यातील खतगाव शिवारात जळालेल्या अवस्थेत मृतदेह सापडला होता. पोलिसांनी या घटनेचा तपास करत रामा यनलवार याचा त्याच्या पत्नीने प्रियकराच्या मदतीने खून केल्याचे समोर आले आहे. या प्रकरणी पोलिसांनी दोघांना अटक केली आहे.

नांदेड - बिलोली तालुक्यातील खतगाव शिवारात जळालेल्या अवस्थेत सापडलेल्या मृतदेहाचे रहस्य उलगडण्यात पोलिसांना यश आले आहे. पत्नीनेच आपल्या प्रियकराच्या मदतीने पतीची हत्या केल्याचे पोलिसांनी तपासात उघडकीस आणले आहे.

यापूर्वी पत्नीनेच गायब झाल्याची केली होती तक्रार

खानापूर येथील एका महिलेने आपला पती गायब असल्याची तक्रार दिली होती. त्यानंतर पोलिसांनी तक्रारदार महिलेची अधिक चौकशी केली असता तिनेच आपल्या प्रियकराच्या मदतीने पतीची हत्या केल्याचे उघड झाल आहे.

प्रियकराच्या मदतीने केला खून

नरंगल गावातील प्रकाश स्वामी या प्रियकराच्या मदतीने या महिलेने पती रामा यनलवारला थडीसावळी शिवारात नेऊन त्याला दगडाने ठेचून मारले. त्यानंतर मृत रामाचा मृतदेह खतगांव शिवारात आणून पेट्रोल टाकून जाळण्याचा प्रयत्न केला. या प्रकरणातील दोन्ही आरोपी पोलीस कोठडीत आहेत.

हेही वाचा -नांदेड जिल्ह्यात तूर नोंदणी प्रक्रियेला सुरुवात