Tragic death of students : कंधार येथील दोन विद्यार्थ्यांचा मन्याड नदीपात्रात बुडून मृत्यू

नांदेड जिल्ह्यातील कंधार तालुक्यात ( Manyad river in Kandhar taluka near Nanded city ) दोन विद्यार्थ्यांचा नदीपात्रात बुडून मृत्यू झाला. कंधार तालुक्यातील मन्याड नदीपात्रात दोन विद्यार्थांना पाण्याचा अंदाज न आल्याने त्यांचा त्यात दुर्दैवी मृत्यू ( Unfortunate death ) झाला. विद्यार्थी अल्पवयीन असल्याने परिसरात हळहळ व्यक्त होत आहे.

नांदेड : शहराजवळील कंधार मन्याड नदीपात्रात पोहण्यासाठी गेलेल्या तीन विद्यार्थ्यांपैकी दोन विद्यार्थ्यांचा पाण्याचा अंदाज न आल्याने व कमी पोहता येत असल्याने नदीपात्रात बुडून मृत्यू ( Death of students in Manyad river basin ) झाल्याची घटना 22 मे रोजी रविवारी दुपारी घडली यामुळे परिसरात शोककळा पसरली आहे.

नदीत पोहताना अंदाज चुकला : कंधार शहरातील सौरभ सतीश लोखंडे (वय 16, रा. लॉ कॉलेजजवळ कंधार) व त्याचा मित्र ओम राजू काजळेकर (वय 15, रा. गवंडीपार कंधार) असून हे दोघेही 22 मे रोजी दुपारी दोन ते अडीचदरम्यान स्वप्नील पाटील लुंगारे यांच्या शेताच्या शिवारात दक्षिणेस तीन कि.मी. मन्याड नदीपात्रात पोहण्यासाठी गेले होते. ते पोहत असताना त्यांना पाण्याचा अंदाज न आल्याने आणि नदीपात्रात गाळ साचल्याने पाण्यात बुडून मृत्यू झाला. अशी माहिती त्यांच्या सोबत असणारा मुलगा बालाजी तुकाराम डांगे (रा. रंगारगल्ली कंधार) यांनी त्यांच्या घरी जाऊन दिली. तत्काळ त्या ठिकाणी ओमचे वडील राजू काजळेकर हेदेखील आले होते.

ग्रामस्थांच्या मदतीन मृतदेह बाहेर काढला : त्यानंतर आम्ही परमेश्वर बालाजी चौधरी, कृष्णा बालाजी चौधरी (रा. गवंडीपार कंधार) आणि लक्ष्मण गुंडप्पा जोतकर (रा. मुक्ताईनगर, कंधार) यांच्या मदतीने दोन्ही मुलांचा मन्याड नदीपात्रात शोध घेऊन दोघांनाही नदीपात्रातून बाहेर काढण्यात आले. त्यांचे शरीर शवविच्छेदनासाठी कंधार ग्रामीण रुग्णालय येथे पाठवण्यात आले. आता पुढील तपास सहायक पोलिस निरीक्षक आर. यू. गणाचार्य करीत आहेत.

हेही वाचा :Maharashtra tourists drowned in Poorna : महाराष्ट्रातील दोन तरुणांचा मध्य प्रदेशच्या सीमेवरील पूर्णा नदीत बुडून मृत्यू