नांदेड - महात्मा जोतिराव फुले शेतकरी कर्जमुक्ती योजनेअंतर्गत जिल्ह्यातील १ लाख २६ हजार २८३ शेतकऱ्यांच्या खात्यावर ८८८ कोटी ८३ लाख रुपये एवढ्या रक्कमेचे हस्तांतरण झाले आहे. अद्याप १६ हजारांवर शेतकऱ्यांच्या आधार प्रमाणिकरणाचे काम शिल्लक आहे. कर्जमुक्ती योजनेअंतर्गत जिल्ह्यातील २ लाख १४ हजार ४ ९ १ कर्जखात्यांचा समावेश आहे.
शेतकऱ्यांना १ हजार ४६१ कोटी ३६ लाख रुपये एवढ्या रकमेची कर्जमाफी मिळू शकेल. एकूण २ लाख १२ हजार ७५९ कर्जखाती (९९.१९ टक्के) आधार संलग्न करण्यात आली आहेत. त्यापैकी कर्जमुक्ती योजनेच्या पोर्टलवर १ लाख ९७ हजार ९१७ खाती (९३.०२ टक्के) अपलोड करण्यात आली.