लॉकडाऊन : नांदेडमध्ये होमगार्डला मारहाण, आरोपीला अटक

या प्रकरणी होमगार्ड बालाप्रसाद जाधव यांनी दिलेल्या तक्रारीवरून वजिराबाद पोलीस ठाण्यात गुन्हा दाखल करुन आरोपीला तत्काळ अटक करण्यात आली आहे.

नांदेड- शहरातील हिंगोली गेट येथे कर्तव्यावर असलेल्या एका होमगार्डला मारहाण केल्याचा प्रकार समोर आला आहे. याप्रकरणी वजिराबाद पोलिसांनी एकाला अटक केली आहे. सतीश आनंद लोणे (वय 25 रा. लहान ता. अर्धापूर), असे अटक करण्यात आलेल्या आरोपीचे नाव आहे.

कोरोनाचा प्रादुर्भाव रोखण्यासाठी गेल्या 15 दिवसापासून लॉकडाऊन व संचारबंदी लागू आहे. दरम्यान बुधवारी सकाळी होमगार्ड बालाप्रसाद टोपाजी जाधव हे हिंगोली गेट येथे ड्युटीवर होते. त्यावेळी प्रतिबंधीत केलेल्या ठिकाणी सतीश लोणे हा दुचाकी उभी करत होता. त्यावेळी होमगार्ड जाधव यांनी या ठिकाणी दुचाकी उभी करु नका, अन्य ठिकाणी उभी करा, असे सांगितले. त्यामुळे चिडलेल्या सतीशने होमगार्डला शिवीगाळ करुन लाथाबुक्यांनी मारहाण केली.

या प्रकरणी होमगार्ड बालाप्रसाद जाधव यांनी दिलेल्या तक्रारीवरून वजिराबाद पोलीस ठाण्यात गुन्हा दाखल करुन आरोपीला तत्काळ अटक करण्यात आली आहे.