नांदेड - जिल्ह्यातील हिमायतनगर तालुक्यात शुक्रवारी सायंकाळपासून जोरदार पाऊस सुरु असल्याने पैनगंगा नदीकाठचे अनेक मार्ग बंद करण्यात आले आहेत. त्यामुळे पावसामध्ये बस अडकल्याने बसमधील विद्यार्थांना मंदिरातच कुडकुडत रात्र जागून काढावी लागली आहे.
मुसळधार पावसामुळे पैनगंगा नदीकाठचे अनेक मार्ग बंद, विद्यार्थ्यांना मंदिरात काढावी लागली रात्र
शुक्रवारी सायंकाळी ५ वाजता शाळा सुटल्यानंतर येथील हुतात्मा जयवंतराव पाटील आणि राजा भगीरथ शाळेतील मुलींना घेऊन जाणारी बस अनेक नाले पार पुढे गेली. मात्र, खैरगावच्या नाल्यावरून कमरेहून जास्त पाणी वाहू लागल्याने वेळीस बस चालकाने प्रसांगावधान राखले. व बस पुढे न नेता परत हिमायतनगरकडे आणली. आणि बसमधील शेकडो मुलींना येथील श्री परमेश्वर मंदिरात सोडले. या बसमध्ये जवळपास शंभरच्यावर मुली होत्या.