नांदेड -शहराच्या तरोडा नाका परिसरातील राजेशनगर भागात राहणारे मनसेचे जिल्हाध्यक्ष संभाजी गोविंदराव जाधव (47) यांनी आपल्या राहत्या घरी आज (मंगळवारी) पहाटेच्या सुमारास गळफास घेऊन आत्महत्या केली आहे.
नांदेडचे मनसे जिल्हाध्यक्ष संभाजी जाधव यांची आत्महत्या
संभाजी जाधव हे राज ठाकरे यांचे कट्टर समर्थक होते. विद्यार्थी सेनेपासून मनसेसोबत जाणारे पहिले मनसैनिक म्हणून ते संपूर्ण मराठवाड्याला परिचित होते.
ही घटना सकाळी उघडकीस आली. यानंतर भाग्यनगर पोलीस ठाण्याचे पोलीस निरीक्षक अनिरुद्ध काकडे व इतर कर्मचाऱ्यांनी घटनास्थळी भेट देऊन पंचनामा केला आहे. जाधव यांच्या आत्महत्येचे वृत्त समजताच शहरातून मनसेच्या कार्यकर्त्यांसह अनेकांनी जाधव यांच्या घरी गर्दी केली.