नांदेड- अभियांत्रिकीच्या द्वितीय वर्षात शिक्षण घेणार्‍या एका २४ वर्षीय विद्यार्थ्याने वस्तीगृहात गळफास घेवून आत्महत्या केली. ही घटना सोमवारी सकाळी उघडकीस आली आहे. तरूणाने आत्महत्या का केली हे मात्र स्पष्ट होवू शकले नाही.
ज्या वस्तीगृहात अरविंदने आत्महत्या केली त्या वस्तीगृहाचे दृश्य
अरविंद मोहन जाधव (वय.२४) असे आत्महत्या करणाऱ्या विद्यार्थ्याचे नाव आहे. तो उमरी तालुक्यातील वाघाळा तांडा येथील रहिवाशी असून शहराबाहेरील एका नामांकित अभियांत्रिकी महाविद्यालयात शिक्षण घेत होता. आणि त्याच महाविद्यालयाच्या वस्तीगृहात तो राहत होता. दरम्यान, रविवारी मध्यरात्री अरविंद जाधव याने आपल्या वस्तीगृहातील रूममध्ये गळफास घेऊन आत्महत्या केली.