नांदेड- भारतीय सैनिक कधीच सुट्टीवर नसतो याचा प्रत्यय सध्या नांदेडकरांना येत आहे. भारतीय लष्कराच्या इंजिनिअरिंग रेजिमेंटचा जवान प्रवीण देवडे हा काही दिवसांपूर्वी घरी सुट्टीवर आला होता. सुट्टी संपण्यापूर्वी देशभर लॉकडाऊन जाहीर झाले. रेजिमेंटमधून प्रवीणला घरीच थांबण्याचे आदेश देण्यात आले. पण, घरी प्रवीणला बेचैनी होत होती. देशात आलेल्या या संकटकाळात आपण काहीतरी देशासाठी केलेच पाहिजे ही भावनेने रेजिमेंटमधील मित्रांना व्हाट्स अॅपच्या माध्यमातून त्याने संपर्क केला. यातून अनेक सैनिकांनी आर्थिक मदत केली. या पैशातून आता सैनिक प्रविण देवडे हा नांदेड शहरातील गरिबांच्या वस्तीत जाऊन आवश्यक धान्य, भाजीपाला, फळे यांचा मोफत पुरवठा करत आहे.
बोलताना प्रवीण देवडे