नांदेड- महानगरपालिकेतील विरोधी पक्षनेते पदाचा पेच महापौरांनी न्यायालयीन आदेशाच्या अधीन राहून सोडवला आहे. विरोधी पक्षनेतेपदी दिपकसिंह रावत यांची नियुक्ती करण्यात आली आहे.
दिपकसिंह रावत, विरोधी पक्षनेते
हेही वाचा - ...अन् बालाजी सूर्यवंशी रडू लागले
महानगरपालिकेत एकूण 81 जागा असून त्यापैकी काँग्रेस 73, सेना 1, अपक्ष 1 व भाजप 6 असे पक्षीय बलाबल आहे. 2017 मध्ये झालेल्या मनपाच्या सार्वत्रिक निवडणुकीनंतर जवळपास वर्षभर विरोधी पक्षनेते पद रिक्त होते. जाता-जाता तत्कालीन महापौर शीला भवरे यांनी भाजपच्या नगरसेविका गुरप्रीतकौर सोडी यांची नियुक्ती केली होती. परंतु, या निवडीविरुध्द भाजपचे खासदार चिखलीकर यांच्या गटाने न्यायालयीन लढाई लढली.