Chavan entry BJP अशोक चव्हाण यांच्या भाजप प्रवेशावरुन संभ्रमाचे वातावरण

काॅग्रेसचे जेष्ठ नेते व माजी मुख्यमंत्री अशोक चव्हाण (Former Chief Minister Ashok Chavan) आणि उपमुख्यमंत्री देवेंद्र फडणवीस (Deputy Chief Minister Devendra Fadnavis) यांच्यात गुप्त भेट झाली. ते लवकरच भाजप प्रवेश (BJP entry) करणार त्यासाठी एका केंद्रिय मंत्र्यांना जवाबदारी दिली आहे अशी चर्चा सुरु आहे. काॅंग्रेसने त्याचा इन्कार केला आहे. यातच आज अशोक चव्हाण हे दिल्लीतील काॅंग्रेसच्या आंदोलनात सहभागी दिसले त्यामुळे कार्यकर्त्यांमधे संभ्रमाचे (Confusion over Ashok Chavans entry into the BJP) वातावरण आहे

नांदेड:एकनाथ शिंदेंनी 40 आमदार फोडून राजकीय भूकंप घडवला आणि भाजपसोबत सत्ता स्थापन केली. काँग्रेस नेते अशोक चव्हाणंही मोठा धमका करण्याच्या तयारीत असल्याच्या चर्चा आहेत. भाजप समन्वयक आशिष कुलकर्णींच्या घरी, चव्हाण आणि फडणवीसांची भेट झाली तेथे त्यांची 15 ते 20 मिनिटे चर्चा झाल्याचे सांगितले जात आहे. त्यामुळे चव्हाण भाजपमध्ये येणार का अशी चर्चा सुरु झाली. इतकेच नाही तर काँग्रेसचा एक गटच भाजपच्या संपर्कात असल्याचेही बोलले जातेय. मात्र या भेटीचा स्वत: देवेंद्र फडणवीसांनी इन्कार केलाय.

दिल्लीतल्या काँग्रेसच्या रॅलीत फडणवीस किंवा भाजपच्या कोणत्याही बड्या नेत्याशी माझी भेट झालेली नाही. मी शनिवारी दिल्लीतल्या काँग्रेसच्या रॅलीत सहभाग घेणार आहे. असे चव्हाणही सांगत आहेत. तसेच दिल्लीत झालेल्या काॅंग्रेसच्या आजच्या आंदोलनात अशोक चव्हाण हे प्रामुख्याने समोर दिसले. शिवाय काॅंग्रेसचे नेते बाळासाहेब थोरात यांनीही या वृत्ताचा इन्कार केला आहे आणि यात कसलेही तथ्य नसल्याचे सांगत माध्यमांनी अशा चर्चा घडवुनये असे स्पष्ट केले आहे मात्र अजुनही या विषयावर पडदा पडलेला नाही.

मोदी लाटेतही झाले खासदारअशोक चव्हाण 5 डिसेंबर 2008 ते 9 नोव्हेंबर 2010 पर्यंत मुख्यमंत्री होते. 2010 मध्ये आदर्श सोसायटीत नातेवाईकांच्या फ्लॅट दिल्याच्या आरोपामुळे त्यांना राजीनामा द्यावा लागला. 2014 च्या मोदी लाटेतही ते खासदार झाले. त्यानंतर 2019 मध्ये चव्हाणांनी पुन्हा भोकर मतदारसंघातून विधानसभा लढवली आणि आमदार झाले. महाविकास आघाडी सरकारमध्ये अशोक चव्हाण सार्वजनिक बांधकाम मंत्री राहीले.

बहुमत चाचणीपासून दूर चव्हाण काँग्रेसमध्ये नाराज आहेत, अशी गेल्या काही महिन्यांपासून चर्चा आहेच. शिंदे-फडणवीस सरकारच्या बहुमत चाचणीवेळीही अशोक चव्हाण उशीरा आले त्यामुळे ते मतदान करु शकले नाहीत. यावरुन अशोक चव्हाणांना पक्षाने कारणे दाखवा नोटीसही बजावली होती फक्त अशोक चव्हाणच नाही तर आणखी 4 ते 5 आमदारही बहुमत चाचणीपासून दूर राहिले होते. उपमुख्यमंत्री फडणवीसांनी अदृश्य हातांचा पाठींबा म्हणत, आभार मानले होते.

भाजपच्या जवळीकतेची कारणे २० जूनच्या विधान परिषद निवडणुकी काँग्रेसचे चंद्रकांत हंडोरे यांचा पराभव झाला. हंडोरे यांच्या पराभवाच्या संशयाची सुई अशोक चव्हाण व समर्थक आमदारांकडे गेली. ४ जुलै रोजीच्या शिंदे सरकारवरील विश्वासदर्शक ठरावाच्या वेळी अशोक चव्हाण यांच्यासह काँग्रेसचे ११ आमदार गैरहजर राहिले. ट्रॅफिकमध्ये अडकल्याचे कारण तेव्हा त्यांनी दिले होते. विश्वासदर्शक ठरावावेळी फडणवीस यांनी आमच्या पाठिशी काही अदृश्य हात आहेत असे सूचक विधान केले होते. २१ ऑगस्ट रोजी शिंदे सरकारातील कृषी मंत्री व पूर्वाश्रीमीचे चव्हाण यांचे कट्टर समर्थक अब्दुल सत्तार हे नांदेड येथे अशोक चव्हाण यांना त्यांच्या निवासस्थानी भेटले होते.

राजकीय परंपराचव्हाण यांचे वडील शंकरराव राज्याचे मुख्यमंत्री राहिलेले आहेत. चव्हाण यांच्या पत्नी अमिता काँग्रेसच्या आमदार होत्या. स्वत: चव्हाण काँग्रेस खासदार होते. तसेच दोन वेळा राज्याचे मुख्यमंत्री राहिले आहेत. हुतात्म्यांच्या विधवांसाठी बांधण्यात आलेल्या कुलाबा येथील आदर्श सोसायटीत नातेवाईकांना फ्लॅट दिल्याचा अशोकचव्हाणांवर आरोप झाला. परिणामी त्यांना २०२० मध्ये मुख्यमंत्रिपद गमवावे लागले. सीबीआय चौकशीत चव्हाण यांना क्लीन चीट मिळाली.

उलट सुलट चर्चा आणि संभ्रमगेली अनेक महिने चव्हाण यांच्या पक्षांतरांच्या चर्चा आहेत. चव्हाणांसोबत एकदोन आमदार सोडता काँग्रेसमधून कोणी जाणार नाही, असे काँग्रेसच्या एका ज्येष्ठ नेत्यांने सांगितले. राज्य सरकारचा मंत्रीमंडळ विस्तार अशोक चव्हाण यांच्या निर्णयामुळे लांबला आहे, सध्या बोलणी सुरू आहेत. ती पूर्ण झाल्यावर विस्तार होईल, असे भाजपातील सूत्रांनी सांगितले. जात आहे त्यामुळे सगळे नाकारत असताना पुन्हा पुन्हा चर्चा होत आहेत याचा कार्यकर्ते आणि संबंधित उलट सुलट चर्चा करत असुन चव्हाणांच्या भाजप प्रवेशावरुन संभ्रम निर्माण झाला आहे.