नांदेड - शहरातील जुन्या नांदेड येथील सराफा व्यापारी रवींद्र चक्रवार यांच्या खून प्रकरणात इतवारा पोलिसांनी एकास अटक केले असून त्याची चौकशी केली जात आहे. अटक केलेला इसम हा सराफा व्यापारी चक्रवार यांच्या दुकानातील सीसीटीव्हीत कैद झाला होता.
सराफा व्यापारी चक्रवार यांच्या हत्येप्रकरणी एकास अटक
शुक्रवारी रात्री सराफा भागात असलेल्या गुरुकृपा ज्वेलर्स या दुकानात काही अज्ञात व्यक्तींनी शिरून रवींद्र चक्रवार यांचा कैचीने भोसकून खून केला होता. मारेकऱ्यांनी सोने कापण्याच्या कैचीने चक्रवार यांच्या मानेवर वार केले होते. हा खून नेमका कशासाठी केला याचा तपास पोलीस करत आहेत. या हत्येमागचे कारण लूट होते की अन्य काही होते, याचाही छडा अद्याप लागला नाही. मारेकऱ्यांनी चक्रवार यांच्या लॉकरला हातही लावला नाही. त्यामुळे सदर प्रकार हा पूर्ववैमनस्यातून झाला की अन्य कोणत्या कारणावरून झाला याचा तपास केला जात आहे.