नांदेड -जिल्ह्यातील अर्धापूर तालुक्यात देगाव येथे कारचा टायर फुटल्याने कार पलटी झाली. या अपघातात एक जण ठार तर एक जण गंभीर जखमी झाला. जखमीला उपचारासाठी नांदेड येथील शासकीय रुग्णालयात दाखल करण्यात आले आहे.
हेही वाचा... पश्चिम बंगालमध्ये एका महिलेला हात-पाय बांधून मारहाण
सोमवारी वसमत येथून नांदेडच्या दिशेने जात असताना देगाव येथे एका अल्टो कारचा (एम.एच.१२ क्यूएम १९८६) टायर फुटल्याने कार दोन ते तिन वेळा पलटी झाली. या अपघातात कारमध्ये असणारे भगवान तुकाराम पाटोळे (३०) हे जागीच ठार झाले. तर धनजंय खंदारे हे गंभीर जखमी झाले. दोघेही परभणी जिल्ह्यातील रहिवासी असल्याची माहिती प्राप्त झाली आहे. या अपघाताचे वृत्त कळताच वसमत फाटा महामार्गचे सहाय्यक पोलीस निरीक्षक शेख रहमान व सहकाऱ्यांनी घटनास्थळी धाव घेतली. तसेच जखमींना रुग्णवाहिकेतून नांदेड येथील शासकीय रुग्णालयात उपचारासाठी दाखल केले.
हेही वाचा... काँग्रेस नेत्याने स्वतःच्या मुलावरच झाडली गोळी, संपत्तीच्या वादातून घडला प्रकार