नांदेड -मागील काही दिवसात झालेल्या जोरदार पावसामुळे नांदेडमधील विष्णुपुरी प्रकल्प शंभर टक्के भरला आहे. यासोबतच जिल्ह्यातील मध्यम, लघु प्रकल्प व बंधाऱ्यात पाणीसाठा वाढला आहे. जिल्ह्यातील एकूण एकशे अकरा प्रकल्पात ३४६.४४ दशलक्ष घन मीटर म्हणजे ४७.८१ टक्के पाणीसाठा झाला आहे.
नांदेड जिल्ह्यातील विविध प्रकल्पात ४८ टक्के पाणीसाठा आहे
विष्णुपुरी व्यतिरिक्त येलदरी आणि सिद्धेश्वर जलाशय पाणीसाठा वाढण्याच्या प्रतिक्षेत आहेत. इसापूर धरणात देखील केवळ १५ टक्के पाणीसाठा शिल्लक झाला आहे. या तिन्ही प्रकल्पातील पाणीसाठ्याचा फायदा नांदेड जिल्ह्यातील सिंचनक्षेत्रासाठी होतो.