नांदेड - शहरात अजून २० कोरोना पॉझिटिव्ह रुग्ण आढळले असून ते गुरुद्वारा लंगरसाहिबमधील कर्मचारी आहेत. नांदेडमध्ये कोरोनाग्रस्तांची संख्या आता २६ वर पोहोचली असून आतापर्यंत दोन जणांचा मृत्यू झाला आहे. त्यामुळे नांदेड आता रेडझोनमध्ये जाण्याची शक्यता आहे.
नांदेडमध्ये आणखी २० कोरोना पॉझिटिव्ह, कोरोनाग्रस्तांची संख्या २६ वर
गुरुद्वारा लंगरसाहिब परिसरातील कार्यरत ९७ व्यक्तींचे ३० एप्रिल आणि ०१ मे रोजी स्वॅब घेण्यात आले. त्यापैकी २० रुग्ण हे कोरोना विषाणूमुळे बाधित आहेत आणि २५ व्यक्तींचे अहवाल हे निगेटिव्ह आले आहेत. तसेच ११ स्वॅब हे अनिर्णित आहेत. उर्वरित अहवालांची प्रतीक्षा आहे. संबंधित व्यक्तींना एन. आर. आय. भवन कोविड केयर सेंटर येथे दाखल करण्यात आलेले आहे. मोठ्या प्रमाणात कोरोनाबाधित झालेल्या गुरुद्वारा परिसरात संचारबंदी लागू करण्यात आलेली आहे.