नांदेड : पोलिसांचा खबऱ्या असल्याच्या संशयावरून तरुणावर तलवारीने हल्ला

पोलिसांचा खबऱ्या असल्याच्या संशयावरुन नांदेडमधील तरुणावर तलवारीने वार करत मारहाण करण्यात आली. यात तरूण गंभीर जखमी झाला आहे.

नांदेड -पोलिसांचा खबऱ्या असल्याच्या संशयावरुन एका तरुणावर तलवारीने वार करत मारहाण करण्यात आली. नांदेड शहरातील पंचशील चौक, गोविंदनगर भागात ही घटना घडली.

मेकॅनिक असलेल्या तन्वीर खान सिकंदर खान (वय,१९) याला पोलिसांचा खबऱ्या आहे म्हणून आरोपी नागेश गायकवाड (रा.लक्ष्मीनगर, नांदेड) याने शिविगाळ केली. तन्वीरच्या मनगटावर आणि पायावर तलवारीने वार करून जिवे मारण्याची धमकी दिली.

हेही वाचा - महाराष्ट्राच्या सत्ताकारणासाठी किमान समान कार्यक्रमाचा झांगडगुत्ता?

याबाबत तन्वीर खानच्या फिर्यादीवरुन विमानतळ पोलीस ठाण्यात २९०/२०१९ कलम ३२६, ५०४, ५०६, कलम ४/२५ अन्वये गुन्हा दाखल करण्यात आला आहे. पुढील तपास सहाय्यक पोलीस निरीक्षक शिनगारे करत आहेत.