नागपूर- देशाचे सरन्यायाधीश शरद बोबडे यांनी नागपुरात क्रिकेटचा आनंद घेतला. यावेळी त्यांनी मैदानावर केलेली फटकेबाजीही नागपूरकरांना पाहायला मिळाली. त्यांनी तब्बल 3 चौकारांसह 18 धावा काढल्या. त्यानंतर त्यांनी नागपुरातील जुन्या आठवणींना उजाळा दिला.
सरन्यायाधीश शरद बोबडे यांनी केली तुफान फटकेबाजी
शहरातील विदर्भ क्रिकेट असोसिएशनच्या (VCA) मैदानावर जजेस (न्यायाधीश) इलेव्हन विरुद्ध अ‌ॅडव्हॉकेट इलेव्हन यांच्यात क्रिकेट सामना खेळण्यात आला. या सामन्यात जजेस इलेव्हनकडून फलंदाजी करताना देशाचे सरन्यायाधीश शरद बोबडे यांनी 30 चेंडूत 18 धावा केल्या आहेत. या मध्ये त्यांनी 3 चौकार लगावले. 18 च्या वैयक्तिक धावसंख्येवर असताना सरन्यायाधीश शरद बोबडे बाद झाले, त्यानंतर आमचे प्रतिनिधी धनंजय टिपले यांनी त्यांच्या सोबत खास बातचीत केली..
नागपूर सुंदर आणि रमणीय शहर