नागपूर - जिल्ह्यात 130 पैकी 127 ग्राम पंचायत निवडणुकीसाठी मतदान होत आहे. एप्रिल ते डिसेंबर 2020 या कालावधीत मुदत संपणाऱ्या ग्रामपंचायतीसाठी ही निवडणूक होत आहे. नागपूर जिल्ह्यातील कळमेश्वर तालुक्यातील आदासा आणि सावनेर तालुक्यातील जटा मखोरा ग्रामपंचायत निवडणुका बिनविरोध झाली आहे. यासोबत कुही तालुक्यातील देवळीकला ग्रामपंचायत निवडणूक मतदान यादीतील घोळामुळे रद्द करण्यात आली आहे. त्यामुळे आता 127 ग्रामपंचायतींसाठी मतदान होत आहे. जिल्ह्यात ग्रामपंचायतीच्या 1181 जागांसाठी 2798 उमेदवार निवडणूक रिंगणात आहेत. यात 1473 महिला तर 1313 पुरुष उमेदवारांचा समावेश आहे. जिल्ह्यात 505 मतदान केंद्रावर मतदान होत आहे. त्यात 2 लाख 91 हजार 87 मतदार मतदानाचा हक्क बजावणार आहे.
नागपूर जिल्ह्यात मतदानाची प्रक्रिया सुरू