नागपूर - इंटरनेटवरून देह विक्री व्यवसाय करण्याचे प्रमाण वाढत असल्याचे दिसून येत आहे. इंटरनेटच्या माध्यमातून मुलींना पैशांचे आमिष दाखवून देह विक्री व्यवसाय करणाऱ्या टोळीवर नागपूर सामाजिक सुरक्षा विभागाच्या पथकाने कारवाई केली. या प्रकरणात पोलिसांनी तीन आरोपींना अटक केली आहे.
नागपुरात ऑनलाईन देह विक्री व्यवसाय चालवणारी टोळी ताब्यात
शहरातील गुन्ह्यांचे प्रमाण आटोक्यात आल्याचे काही दिवसापूर्वींच पोलीस आयुक्तांनी स्पष्ट केले होते. त्यातच आता इंटरनेटचा वापर करून देहविक्री व्यवसाय होत असल्याचा प्रकार समोर आला. शहरातील विविध भागात ऑनलाइन पद्धतीने मुलींची फसवणूक करत त्यांना देह विक्री करण्यास प्रवृत्त केल्या जात होते. या प्रकरणाची नागपूर पोलिसांना माहिती मिळताच या टोळीवर कारवाई करण्यात आली आहे.