नागपूर - शहरातील गंगाजमुना (रेडलाईट ) परिसरात मोठी कारवाई करण्यात आली. या परिसरात तब्बल ३२ वारांगना ६० ग्राहकांना पोलिसांनी ताब्यात घेतले. वेशाव्यवसाय करवून घेणाऱ्या सात दलालांनाही पोलिसांनी ताब्यात घेतल्याची माहिती आहे.
पोलिसांच्या छाप्यानंतर अनेक आंबटशौकिनांनी परिसरातून पळ काढला. ताब्यात घेण्यात आलेल्यांची ओळख पत्र पडताळणीप्रसंगी अल्पवयीन व्यक्ती आढळली नसल्याची माहिती पोलिसांनी दिली. यंदाची गंगा जमुनावर केलेली ही सर्वात मोठी कारवाई असून देहव्यवसाय करवून घेणाऱ्या दलालांवर पोलिसांची करडी नजर आहे. यापुढेही कारवाईचे सत्र सुरू राहील, अशी माहिती पोलिसांनी दिली.