नागपूर : डबल डेकर पुलाचा प्लास्टर तुकडा पडला; मोठी दुर्घटना टळली

शहरात मोठ्या प्रमाणात मेट्रोचे जाळे शहरात उभारले जात आहे. यात नागपूर-वर्धा मार्गावर असलेल्या डबल डेकर पुलाखाली एक्सटेन्शन होऊन मनीष नगरकडे मुख्य मार्गावरुन वळतानाच्या पुलाचा भाग आहे. याठिकाणी सध्या भेग पडलेली दिसून येत आहे.

नागपूर - येथील वर्धा-नागपूर महामार्गावर असलेल्या मेट्रोच्या डबल-डेकर पुलाच्या सिमेंटचा प्लास्टरचा एक तुकडा पडल्याचे फोटो रविवारी व्हायरल झाले होते. यानंतर प्रशासनाकडून घटनास्थळावर जाऊन पाहणी केली असता ही घटना उघडकीस आली.

शहरात मोठ्या प्रमाणात मेट्रोचे जाळे शहरात उभारले जात आहे. यात नागपूर-वर्धा मार्गावर असलेल्या डबल डेकर पुलाखाली एक्सटेन्शन होऊन मनीष नगरकडे मुख्य मार्गावरुन वळतानाच्या पुलाचा भाग आहे. याठिकाणी सध्या भेग पडलेली दिसून येत आहे. हा तुकडा पडल्याचे फोटो शहरात चांगलेच व्हायरल झाले. ही घटना रविवारी संध्याकाळच्या सुमारास रस्ते सुनसान असताना घडली. जर ही घटना एरवी दुसऱ्यावेळी घडली असती तर नक्कीच मोठा अपघात होऊन एखाद्याच्या जीवावर बेतली असती.

हेही वाचा -ठाकरे सरकारच्या चुकीमुळे 4 हजार 234 कोटी रु. विमा कंपन्याच्या घशात - अनिल बोंडे

या प्रकरणात मेट्रोकडून चौकशी सुरू -

प्लास्टरचा तुकडा पडल्याचे फोटो व्हायरल झाल्याने शहरात चांगलाच गोंधळ निर्माण झाला होता. याप्रकरणी मेट्रोकडून चौकशी सुरू करण्यात येणार असल्याचे मेट्रोकडून सांगण्यात आले आहे. दरम्यान, या घटनेमुळे शहरातील सुरू असलेल्या मेट्रोच्या कामावर आणि कामाचा दर्जावर प्रश्नचिन्ह निर्माण झाले आहे.

हैदराबादमध्ये महिलेचा जागीच मृत्यू -

हैदराबाद शहरात रेल्वेच्या पुलाखालून जातांना प्लास्टरचा भाग पडल्याने महिलेच्या डोक्याला गंभीर दुखापत झाल्याने जागीच मृत्यू झाला. यामुळे मेट्रोच्या निर्माण काम करत असताना कंत्राटदाराकडून होत असलेल्या चुका की निष्काळजीपणा अशा घटना एखाद्याच्या जीवावर बेतू नये, अशी अपेक्षा व्यक्त केली जात आहे.