नागपूर -राष्ट्रसंत तुकडोजी महाराज विद्यापीठातील बी.ए. द्वितीय वर्षाच्या अभ्यासक्रमात राष्ट्रीय स्वयंसेवक संघाचा इतिहास समाविष्ट करण्यात आला आहे. विद्यापीठाच्या या निर्णयाला उच्च न्यायालयाच्या नागपूर खंडपीठात आव्हान देण्यात आले आहे.
राष्ट्रीय स्वयंसेवक संघ या संघटनेची कुठेही नोंदणी नाही. त्यामुळे नागपूर विद्यापीठातील अभ्यासक्रमात संघाचा इतिहास शिकवू नये. या मागणीसाठी नागरी हक्क संरक्षण मंचचे अध्यक्ष जनार्धन मून यांनी उच्च न्यायालयात याचिका दाखल केली आहे. तसेच जनार्धन मून यांच्या नावेदेखील त्यांनी एका राष्ट्रीय स्वयंसेवक संघ नावाच्या संघटनेची नोंदणी केली असून ते त्या संघाचे अध्यक्ष आहेत.
नागपूर विद्यापीठाने बी. ए. च्या अभ्यासक्रमात बदल केला आहे आणि त्यात राष्ट्र निर्मितीमधील राष्ट्रीय स्वयंसेवक संघाची भूमिका हे प्रकरण समाविष्ट करण्यात आले आहे. विद्यापीठाच्या याच निर्णयाविरुद्ध समाजात वेगवेगळी मतं व्यक्त होत आहेत.
