नागपूर - विदर्भ राज्य आंदोलन समितीतर्फे मंगळवारी(24 डिसेंबर) एक दिवसीय आत्मक्लेश आंदोलन करण्यात आले. वेगळे विदर्भ राज्य देण्यात यावे आणि विजेचे दर कमी करावे, या प्रमुख मागण्यांसाठी हे आंदोलन करण्यात आले आहे. विदर्भातील प्रत्येक जिल्ह्यात हे आंदोलन करण्यात आल्याची माहिती आंदोलकांनी दिली आहे.
वेगळ्या विदर्भाच्या मागणीसाठी नागपूरात विदर्भवाद्यांचे एक दिवसीय आत्मक्लेश आंदोलन
वेगळ्या राज्याच्या मागणीसाठी विदर्भ राज्य आंदोलन समिती गेल्या अनेक वर्षांपासून लढा देत आहे. मात्र, यश मिळत नसल्याने आता 'मिशन 2023'चे लक्ष डोळ्यासमोर ठेऊन या समितीने एक अॅक्शन प्लॅन तयार केला आहे. या अॅक्शन प्लॅनचा एक भाग म्हणून आज हे आंदोलन करण्यात आले. दरम्यान, आंदोलनात केवळ बोटावर मोजण्याइतकेच आंदोलक सहभागी झाल्याने आंदोलनाच्या आयोजनावर प्रश्न चिन्ह निर्माण झाले आहे.