नागपूर - जिल्हा परिषद निवडणुकीच्या एक रात्र आधीच कन्हान परिसरात हत्या झाली आहे. कन्हानमधील प्रभाग क्रमांक ४ चे शिवसेनेचे उमेदवार डायनल शेंडे जावई संजू खडसे (वय-35) यांचा चाकूने वार करून खून करण्यात आला आहे. सोमवारी (दि.6जाने)ला रात्री संजू खडसे हे कन्हान शहरातील डॉ. बाबासाहेब आंबेडकर चौकातील गौरव बारमध्ये दारू प्यायला बसले होते. त्यांच्या बाजूला अन्य तिघेजण दारू पित होते. या तिघांनी दारूच्या नशेत ग्लासची तोडफोड करण्यास सुरुवात केली.
जिल्हा परिषद निवडणुकीच्या एक रात्र आधीच कन्हान परिसरात हत्या झाली आहे.
संजू खडसेंनी आरोपींची समजूत काढण्याचा प्रयत्न केला. परंतु, भांडणाला सुरुवात झाल्याने ते बारच्या बाहेर आले. यानंतर तिघांनीही संजय यांना मारहाण करून चाकूने वार केले. संजू खडसे रक्तबंबाळ अवस्थेत कोसळताच तिघांनीही पळ काढला.