नागपूर - नागपुरात लेवल वन अंतर्गत निर्बंध खुले करण्यात आले आहेत. मात्र कोरोना रुग्णसंख्यावाढीचा मागील अनुभव पाहता शहरात काही निर्बंध कायम ठेवणार असल्याचे पालकमंत्री नितीन राऊत यांनी पत्रकार परिषदेत सांगितले. पालकमंत्र्यांनी रविवारी जिल्हाधिकारी कार्यालय परिसरातील बचत भवन येथे पत्रकारपरिषेदत माहिती दिली. यावेळी ते म्हणाले, "अत्यावश्यक दुकाने तसेच अत्यावश्यक वगळून इतर दुकाने संध्याकाळी पाच वाजेपर्यंत सुरू राहतील. यानंतर केवळ हॉटेल-रेस्टॉरंट यांना 50 टक्के क्षमतेसह रात्री दहापर्यंत खुले राहण्याची परवानगी देण्यात आली आहे. इतरत्र दुपारी 5 वाजल्यानंतर सर्व आस्थापने बंद राहणार असून 5 पेक्षा अधिक लोकांना गर्दी करण्याचे निर्बंध कायम असणार आहे. तसेच यासंदर्भात शुक्रवारी पुन्हा आढावा घेऊन पुढील शिथिलतेबाबतचे निर्णय घेतले जाईल".
नागपूर निर्बंधांसह 'अनलॉक'