नागपूर - केंद्रीय वाहतूक मंत्री नितीन गडकरी यांची संपत्तीत गेल्या पाच वर्षांत १४० टक्क्यांची वाढल्याचे समोर आले आहे. नागपूर लोकसभा मतदारसंघातून नितीन गडकरी यांनी नामनिर्देशन पत्र सादर केले, त्यासोबत जोडलेल्या शपथपत्रातून ही माहिती उघड झाली आहे. एवढेच नाही तर, नितीन गडकरी यांच्या पत्नी कांचन गडकरी यांच्या संपत्तीतदेखील लक्षणीय वाढ नोंदविण्यात आली आहे.
केंद्रीय मंत्री नितीन गडकरींची संपत्ती ५ वर्षांत १४० टक्क्यांनी वाढली
केंद्रीय वाहतूक मंत्री नितीन गडकरी यांची संपत्तीत गेल्या पाच वर्षांत १४० टक्क्यांची वाढल्याचे समोर आले आहे. नागपूर लोकसभा मतदारसंघातून नितीन गडकरी यांनी नामनिर्देशन पत्र सादर केले, त्यासोबत जोडलेल्या शपथपत्रातून ही माहिती उघड झाली आहे. एवढेच नाही तर, नितीन गडकरी यांच्या पत्नी कांचन गडकरी यांच्या संपत्तीतदेखील लक्षणीय वाढ नोंदविण्यात आली आहे.
केंद्रीय वाहतूक मंत्री नितीन गडकरी
भाजप सरकारमधील सर्वात कार्यक्षम मंत्री म्हणून गडकरी ओळखले जातात. असे असताना त्यांच्या संपत्तीत गेल्या पाच वर्षांच्या काळात वेगवान १४० टक्क्यांची वाढ झाल्याचे स्पष्ट झाले आहे. नितीन गडकरींची एकूण संपत्ती ६ कोटी ९ लाख इतकी आहे. यातील १ कोटी ९६ लाखांची संपत्ती त्यांना वडिलांकडून मिळाली आहे. सोमवारी नितीन गडकरी यांनी अर्ज दाखल केला. त्यावेळी त्यांनी दिलेल्या प्रतिज्ञापत्रात स्वतःच्या आणि पत्नीच्या संपत्तीची माहिती सादर केली.
२०१३-१४ या काळात नितीन गडकरींचे वार्षिक उत्पन्न हे २.७ लाख इतके होते तर २०१७-१८ वर्षात नितीन गडकरींचे वार्षिक उत्पन्न ६.४ इतके आहे. तर दुसरीकडे त्यांच्या पत्नीच्या उत्पन्नातही वाढ झाली आहे. २०१३-१४ मध्ये कांचन गडकरी यांचे वार्षिक उत्पन्न हे ४.६ लाख इतके होते तर २०१७-१८ या अर्थिक वर्षात त्यांचे उत्पन्न ४० लाखांवर गेले आहे. या शिवाय नितीन गडकरींच्या नावे एक फ्लॅट मुंबईच्या वरळी येथे असून २०१४ साली त्या फ्लॅटची किंमत ३.७८ कोटी होती, तर सध्याच्या बाजारभावानुसार तो फ्लॅट ४ कोटी २५ लाखांचा झाला आहे. या व्यतिरिक्त गडकरींच्याकडे २२ लाखांचे दागिने देखील आहेत. सर्व चल-अचल संपत्तीचा अहवाल सादर करताना नितीन गडकरी आणि त्यांच्या पत्नी कांचन गडकरी यांच्यावर कोणत्याही प्रकारचे कर्ज नसल्याचे त्यांनी प्रतिज्ञापत्रात नमूद केले आहे.