नागपूर - नुकतेच चीन येथे पार पडलेल्या जागतिक पोलीस क्रीडा स्पर्धेत धनुर्विद्या (आर्चरी) क्रीडा प्रकारात महाराष्ट्राच्या 'लेकी'ने दोन सुवर्ण पदकाची कमाई केली. मोनाली जाधव असे या कर्तृत्ववान लेकीचे नाव आहे. ती महाराष्ट्र पोलीस विभागातील बुलडाणा जिल्ह्याच्या जलंब पोलीस ठाण्यात कार्यरत आहे. मोनाली हिच्याशी बातचित केली आहे आमचे प्रतिनिधी धनंजय टिपले यांनी...
Exclusive: सुवर्णवेध घेतलेल्या मोनालीशी ईटीव्ही भारतने केलेली खास बातचीत
यावेळी बोलताना मोनाली म्हणाली, 'धनुर्विधा हा खेळ खूप महागडा आहे. माझी घरची परिस्थिती बेताचीच आहे. मला चंद्रकांत इगल यांनी सुरुवातीपासून मदत केली. त्यांनी मला प्रशिक्षण दिले. माझी कामगिरी पाहून पोलीस खात्याने मला खेळाच्या साहित्याचे कीट उपलब्ध करुन दिले. यासोबत खात्याने मला सरावासाठी तसेच स्पर्धेसाठी मोकळीक दिली. यामुळे मी हे यश संपादित करु शकले.'